ຍິນດີຕ້ອນຮັບເຂົ້າສູ່

ຄວາມແຕກຕ່າງທີ່ພິເສດ

ແຕ່ລະຄູ່ຮັກ ລ້ວນແຕ່ມີຈຸດເລີ່ມຕົ້ນຂອງການພົບກັນ
ມີຄວາມຊົງຈໍາ, ມີຄວາມຮູ້ສຶກດີໆໃນແຕ່ລະກິດຈະກໍາ ແລະ ສະຖານທີ່ທີ່ແຕກຕ່າງກັນໄປ
ມີຄວາມມັກ, ມີສະຕາຍທີ່ເປັນຂອງຕົນເອງໂດຍບໍ່ຈໍາເປັນຈະຕ້ອງຄືຄູ່ໃຜ.

ໃນເມື່ອແຕ່ລະຄູ່ມີການເດີນທາງຂອງຄວາມຮັກທີ່ແຕກຕ່າງກັນ
ການນໍາເອົາເຫດການປະທັບໃຈເຫລົ່ານັ້ນ ມາເລົ່າຄືນໂດຍສະເພາະໃນມື້ງານສໍາຄັນ
ນັບວ່າເປັນການເພີ່ມສະເຫນ່ອັນຫນຶ່ງທີ່ຈະເຕີມແຕ່ງໃຫ້ງານແຕ່ງດອງມີຄວາມຫມາຍ ແລະ ມີຄຸນຄ່າຕໍ່ຈິດໃຈຂຶ້ນຕື່ມອີກ

ຄວາມຈິງທີ່ຫລາຍໆຄົນອາດຈະລືມຄິດຫາກໍຄື
ບໍ່ຈໍາເປັນທີ່ຈະຕ້ອງຈັດແຕ່ງງານດອງໃຫ້ຄືກັນກັບຄູ່ອື່ນໆກໍໄດ້
ຈາກປະສົບການການຈັດງານດອງມາຫລາຍກວ່າ 7ປີ
ພວກເຮົາຄົ້ນພົບວ່າ ບໍ່ແມ່ນທຸກຄົນທີ່ຈະມັກການຈັດງານພາຍໃນພັດທະຄານ ຫລື ການຈັດແຕ່ງດ້ວຍດອກໄມ້ເຕັມງານ

ແລະ ພວກເຮົາກໍເຊື່ອວ່າການຈັດງານຄັ້ງສໍາຄັນໃນຊີວິດ ເຈົ້າພາບທຸກຄົນຕາງກໍຢາກຈະສ້າງຄວາມປະທັບໃຈທີ່ແຕກຕ່າງ ຫລາຍກວ່າການມີຮູບຖ່າຍໃນຊຸ້ມດອກໄມ້ທີ່ມີຮູບແບບຊໍ້າໆກັນ

ແຕ່ຍ້ອນວ່າໃຜໆກໍພາກັນເຮັດແບບນັ້ນ ແລະ ການຄິດຫາພ້ອມຈັດກຽມງານໃນຮູບແບບໃຫມ່ຍັງເປັນເລື່ອງທີ່ແປກ ແລະ ບໍ່ຮູ້ຈະເລີ່ມຕົ້ນຈາກຈຸດໃດ

ລອງປັບປ່ຽນອົງປະກອບໃນງານຈັກເລັກຫນ້ອຍເຊັ່ນ: ປັບແຕ່ງຕີມງານ ແລະ ຊຸດແຕ່ງກາຍໃຫ້ເຂົ້າກັບສະຕາຍ, ເລືອກສາກເວທີທີ່ເຫມາະກັບຄວາມມັກຂອງຕົນເອງທີ່ສຸດ, ຈັດການສະແດງພິເສດ, ເຮັດວິດິໂອ surprise ຫລື ມີກິດຈະກໍາເພີ່ມເຂົ້າມາໃຫ້ມີສີສັນ …. ເຊິ່ງກໍຍັງມີອີກຫລາຍໆຢ່າງທີ່ສາມາດກໍາຫນົດໃຫ້ເປັນໄປຕາມທີ່ຕ້ອງການໄດ້

ບໍ່ວ່າງານຈະມີຄວາມແປກໃຫມ່ ແລະ ມີລາຍລະອຽດຍິບຍ່ອຍຫລາຍປານໃດ
ພວກເຮົາທີມງານບັດດີ້ໂຫນ່ງ ຢາກເຫັນພວກທ່ານມີຄວາມສຸກໃນທຸກວິນາທີໃນມື້ສໍາຄັນທີ່ແສນພິເສດນີ້
ພ້ອມແລ້ວທີ່ຈະຊ່ວຍທ່ານກຽມຄວາມພ້ອມ ທັງຊ່ວຍຈັດແຈງໃຫ້ງານແຕ່ງດອງເປັນໄປຕາມທີ່ທ່ານວາດຝັນໄວ້.

ເບິ່ງເພີ່ມເຕີມ
Wedding Trend 2021 ເທຣນງານແຕ່ງດອງຈະປ່ຽນໄປແນວໃດໃນປີ 2021 ນີ້

ໃນປີ 2020 ທີ່ຜ່ານມາ, ເຫັນໄດ້ວ່າຄູ່ຮັກຫລາຍໆຄູ່ເລືອກທີ່ຈັດງານອົບອຸ່ນພາຍໃນຄອບຄົວ, ບາງຄູ່ກໍຈັດງານລ້ຽງແບບ outdoor ແທນການຈັດຢູ່ພັດທະຄານ ດ້ວຍເຫດເນື່ອງມາຈາກສະພາບການລະບາດຂອງພະຍາດໂຄວິດ-19 ທີ່ໄດ້ປ່ຽນວິຖີການໃຊ້ຊິວິດຮ່ວມກັນຂອງຜູ້ຄົນໃນສັງຄົມໄປ.
ພວກເຮົາເຊື່ອວ່າບົດຮຽນທີ່ໄດ້ຈາກການກ້າວຜ່ານປີ 2020 ປີແຫ່ງການປ່ຽນແປງ ບໍ່ສາມາດຄາດເດົາສິ່ງທີ່ຈະເກີດຂຶ້ນໄດ້, ບາງຢ່າງທີ່ຕັ້ງໃຈໄວ້ວ່າຈະເຮັດ ຊໍ້າພັດບໍ່ມີໂອກາດໄດ້ເຮັດອີກແລ້ວ. ຕໍ່ກັບການຈັດງານດອງ, ຜູ້ຄົນຈຶ່ງໄດ້ຫັນມາຈັດງານທີ່ເນັ້ນໃຫ້ມີຄວາມຫມາຍຫລາຍຂຶ້ນ ແລະ ສິ່ງດັ່ງກ່າວຈະກາຍເປັນຄ່ານິຍົມໃຫມ່ຂອງການຈັດງານດອງໃນປີ 2021 ເຊິ່ງພວກເຮົາໄດ້ສະຫລຸບມາໃຫ້ອ່ານເປັນຂໍ້ໆດັ່ງນີ້
- ການຈັດງານລ້ຽງກາງແຈ້ງ | Outdoor Wedding
ສິ່ງທີ່ພິເສດຂອງການຈັດງານດອງແບບກາງແຈ້ງຄືທ່ານຈະຕົກຫລຸມຮັກ ແລະ ຫລົງສະເຫນ່ໃນບັນຍາກາດທີ່ແສນຈະໂຣແມນຕິກ ໂດຍສະເພາະໃນງານທີ່ຕົກແຕ່ງດ້ວຍແສງໄຟປະດັບສວຍງາມ ເປີດໂລ່ງເຫັນທ້ອງຟ້າໃນຍາມຄໍ່າຄືນ ໃຫ້ໄດ້ສໍາຜັດລົມຫນາວທ້າຍປີ ແລະ ປ່ອຍຕົວເອງເປັນອິດສະຫລະຕາມສຽງດົນຕີ.

ກ່ອນຫນ້ານີ້ 2-3 ປີຫລາຍຄົນອາດຈະຍັງມີຫລາຍໆຄໍາຖາມກ່ຽວກັບການຈັດງານລ້ຽງແບບກາງແຈ້ງເຊັ່ນ: ບໍ່ມີສະຖານທີ່ຈະເຮັດແນວໃດ? ຈັດຢູ່ໃສຈຶ່ງຈະພຽງພໍກັບຈໍານວນແຂກ? ຈະຕົກແຕ່ງແນວໃດໃຫ້ງາມມີລະດັບໄດ້? ບໍ່ຮູ້ຈະຈັດການງານແນວໃດ ...ໃຫ້ພື້ນທີ່ຂອງ BuddyNong Studioເປັນທາງເລືອກຫນຶ່ງໃນດ້ານສະຖານທີ່ ແລະ ຊ່ວຍຈັດກຽມງານກາງແຈ້ງໃນຝັນຂອງທ່ານ.

- ສະແດງຕົວຕົນ ແລະ ເນັ້ນຄວາມຫມາຍ | Unique + Conceptual
ໃຜໆກໍຢາກໃຫ້ງານແຕ່ງດອງຄັ້ງດຽວໃນຊີວິດຂອງຕົນເອງເປັນມື້ທີ່ພິເສດທີ່ສຸດ ແລະ ມີຄວາມຫມາຍທີ່ສຸດ.
ທຸກເຫດການໃນງານແຕ່ງດອງຈະກາຍເປັນງານໃນຄວາມຊົງຈໍາທີ່ສໍາຄັນຕິດໂຕຄູ່ຮັກໄປຊົ່ວຊີວິດ. ຍ້ອນແນວນັ້ນ, ການຈັດແຕ່ງງານດອງທີ່ຕ້ອງບົ່ງບອກເຖິງຕົວຕົນ ແລະ ເລື່ອງລາວຄວາມຮັກທີ່ພິເສດແຕກຕ່າງຈາກຄູ່ອື່ນໆ
ເປັນທີ່ມາຂອງການຈັດງານດອງແບບມີ Concept (ທີ່ບໍ່ແມ່ນການຄຸມໂທນສີເຄື່ອງແຕ່ງກາຍເທົ່ານັ້ນ) ຈະສະແດງອອກຈາກບັດເຊີນງານດອງ, ການຕົກແຕ່ງທີ່ມີເອກະລັກ, ເຄື່ອງແຕ່ງກາຍທີ່ແປກໃຫມ່, ວິດີໂອ surprise, ການເຕັ້ນເປັນກຸ່ມໂຊ, ການມອບບົດເພງ ຫລື ເວົ້າຄວາມໃນໃຈທີ່ມີຄວາມຫມາຍຊຶ້ງໆໃຫ້ກັນ ແລະ ອື່ນໆອີກຫລາຍອັນ.

- ຮູບທີ່ລະນຶກ | Photobooth – Thank-you Gift
ຫລາຍປີກ່ອນອາດຈະເຄີຍໄດ້ຍິນເລື່ອງການແຈກເຄື່ອງທີ່ລະນຶກງານແຕ່ງ ຫລື ເອີ້ນໆກັນທົ່ວໄປວ່າ ຂອງຊໍາລ້ວຍ ທີ່ມາໃນຮູບແບບພວງກຸນແຈ, ຊຸດຈອກນໍ້າຊາ, ທຽນຫອມ ແລະ ອື່ນໆທີ່ສະຫລັກຊື່ ຫລື ມີຮູບພາບຂອງເຈົ້າບ່າວເຈົ້າສາວ.

ເທຣນຂອງຊໍາລ້ວຍໄດ້ເປັນທີ່ນິຍົມກັນຫລວງຫລາຍ ແຕ່ການໃຊ້ຈອກຄູ່ ຫລື ພວງກຸນແຈທີ່ມີຮູບຂອງທ້າວ ກ. ແລະ ນາງ ຂ. ເປັນສິ່ງທີ່ເຮັດໃຫ້ຮູ້ສຶກແປກແບບບັນຍາຍບໍ່ຖືກ; ຜ່ານມາໄດ້ໄລຍະຫນຶ່ງຂອງຊໍາລ້ວຍກາຍເປັນສິ່ງທີ່ຜູ້ຄົນບໍ່ຕ້ອງການ ແລະ ເປັນການສິ້ນເປືອງເງິນລ້າໆ

ແຕ່ທ່ານເຊື່ອບໍ່ວ່າເທຣນການໃຫ້ຂອງທີ່ລະນຶກກໍາລັງຈະກັບມາແຕ່ເປັນໃນຮູບແບບຂອງ Photobooth ຫລື ການຖ່າຍຮູບຂອງແຂກທີ່ມາເຂົ້າຮ່ວມ ພ້ອມພິມເປັນໃບ ກາຍເປັນຂອງທີ່ລະນຶກທີ່ໃຜໆກໍຢາກໄດ້

- ບາສີສູ່ຂວັນໃນພັດທະຄານ | Basi Ceremony at Palace
ການຈັດງານບາສີສູ່ຂວັນໃນພັດທະຄານ? ຟັງເບິ່ງແປກ ເພາະປົກກະຕິໃຜໆກໍຈັດຢູ່ເຮືອນເຈົ້າສາວ ແຕ່ວ່ານີ້ແມ່ນຍຸກປີ 2021 ແລ້ວ, ບໍ່ແມ່ນເຈົ້າບ່າວທຸກຄົນຈະຕ້ອງຍ້າຍໄປຢູ່ນໍາເຈົ້າສາວຫລັງແຕ່ງດອງ ຫລື ດ້ວຍເງື່ອນໄຂດ້ານສະຖານທີ່ທີ່ອາດຈະບໍ່ເອື້ອອໍານວຍໃນການຮັບແຂກ ຫລື ຈັດພິທີບາສີສູ່ຂວັນ ການຈັດງານເຊົ້າຢູ່ທີ່ພັດທະຄານກໍກາຍເປັນທາງເລືອກທີ່ຫນ້າສົນໃຈ. ເພາະນອກຈາກຈະໄດ້ມີພື້ນທີ່ກວ້າງຂວາງ ແລະ ສວຍງາມໃນການຈັດພິທີແລ້ວ ຍັງສະດວກສະບາຍໃນການຈັດງານລ້ຽງຕອນແລງຕໍ່ໄດ້ເລີຍ ໂດຍທີ່ທ່ານບໍ່ຕ້ອງກັງວົນເລື່ອງກຽມຕົວ ຫລື ປ່ຽນຊຸດທີ່ອາດຈະບໍ່ສະດວກ

ເພາະດຽວນີ້ກໍມີຫລາຍໂຮງແຮມ ແລະ ພັດທະຄານທີ່ສາມາດຮັບຮອງ ແລະ ອໍານວຍຄວາມສະດວກໃຫ້ທ່ານໄດ້ ເອີ້ນວ່າ ຄົບ ຈົບຢູ່ບ່ອນດຽວ

- ວິດິໂອ ແລະ ງານດອງ | Wedding Videography
ການມີພາບວິດີໂອບັນທຶກເລື່ອງລາວໃນງານແຕ່ງດອງແມ່ນມີມາໄລຍະຫນຶ່ງແລ້ວ ແລະ ສືບຕໍ່ໄດ້ຮັບຄວາມນິຍົມມາຢ່າງຕໍ່ເນື່ອງ ຈົນປັດຈຸບັນ ຜູ້ຄົນໄດ້ໃຫ້ຄວາມສໍາຄັນຫລາຍກັບການນໍາສະເຫນີໃນຮູບແບບວິດິໂອ ຈຶ່ງເຮັດໃຫ້ເກີດມີເທຣນຂອງວິດິໂອ pre-wedding ເສີມຕື່ມເຂົ້າກັບການຖ່າຍຮູບນິ້ງ, ມີການສາຍວິດີໂອບອກຄວາມໃນໃຈຂອງຄູ່ບ່າວສາວໃນງານ, ມີການນໍາເອົາພາບວິດີໂອໃນມື້ງານແຕ່ງມາປະກອບກັນເປັນເລື່ອງລາວຄືກັບຫນັງສັ້ນເລື່ອງຫນຶ່ງ.

ບໍ່ວ່າງານແຕ່ງດອງທີ່ທ່ານໃຝ່ຝັນຈະເປັນຮູບແບບໃດ ພວກເຮົາ BuddyNong ພ້ອມທີ່ຈະໃຫ້ບໍລິການຈັດກຽມ ແລະ ດູແລທຸກລາຍລະອຽດງານດອງຂອງທ່ານໃຫ້ດໍາເນີນໄປຢ່າງສົມບູນແບບ ແລະ ງົດງາມທີ່ສຸດ

ເບິ່ງເພີ່ມເຕີມ

ຄວາມແຕກຕ່າງທີ່ພິເສດ

Wedding Trend 2021 ເທຣນງານແຕ່ງດອງຈະປ່ຽນໄປແນວໃດໃນປີ 2021 ນີ້